08 июн 09:24
Янгиликлар

Теннис

Бугун Истомин Штутгартдаги иштирокини бошлайди, рақиб мезбон теннисчи

Бугун Германиянинг Штутгарт шаҳрида теннис бўйича ATP таснифидаги нуфузли турнирнинг саралаш баҳслари старт олади.

Ушбу мусобақада мамлакатимизнинг биринчи ракеткаси Денис Истомин ҳаим иштирок этади. Ҳамюртимиз шу ҳафта Алмати “Челленжер” турнирининг нимчорак финал учрашувидаёқ мағлубиятга учраган эди. Энди у ўз омадини Штутгартдаги турнир саралашида синаб кўради.

Истомин қуръа натижасига кўра саралашнинг биринчи босқичида германиялик Дастин Браунга қарши кортга чиқади. Учрашув Тошкент вақти билан соат 17:00да бошланиши белгилаб қўйилган.

Таққослаш учун, Денис Истомин ATP рейтингида 97, Дастин Браун эса 171-ўринни эгаллаб турибди. Теннисчилар шу кунгача ўзаро уч маротаба тўқнаш келишган. Икки баҳсда Денис, яна бир учрашувда Дастин ғалаба қозонган. Сўнгги учрашув шу йилги Ролан Гаррос турнирининг саралашида ўтказилиб, унда Браун ғалабага эришганди.