02 июл 07:51
Янгиликлар

Теннис

Бугун Истомин "Уимблдон"даги иштирокини бошлайди, рақиб дунёнинг 55-ракеткаси!

Буюк Британиянинг Лондон шаҳрида теннис бўйича "Катта Дубулға" туркумига кирувчи Уимблдон турнири давом этмоқда.

Аввал хабар берганимиздек, мусобақанинг асосий тўр баҳсларида ҳамюртимиз Денис Истомин ҳам иштирок этади. Бугун мамлакатимизнинг биринчи ракеткаси илк давра учрашувида британиялик Кэмерон Норрига қарши кортга чиқади.

Таққослаш учун, Денис Истомин ATP рейтингида 115, Норри эса 55-ўринни эгаллаб турибди. Теннисчилар шу кунгача ўзаро тўқнаш келишмаган. Учрашув Тошкент вақти билан соат 16:30да бошланади.

Истомин - Норри баҳси ғолиби иккинчи даврада катта эҳтимол билан япониялик Кеи Нишикорига қарши кортга чиқади. Кеи бугун биринчи босқичда саралаш турнири ғолибларидан бири бразилиялик Тьяго Монтейрони синовдан ўтказади.