21 июл 07:19
Янгиликлар

Теннис

Бугун Жўрабек Каримов Грузиядаги турнир финалида кортга чиқади

Грузиянинг Телави шаҳридаги ITF турнири ўзининг энг қизғин палласига етиб келди.

Қувонарлиси, мукофот жамғармаси 15 000 АҚШ долларини ташкил этувчи мазкур турнирнинг ҳал қилувчи финал ўйинига ҳамюртимиз Жўрабек Каримов ҳам етиб келди.

У бугун турнир бош соврини учун мусобақанинг биринчи сараланган теннисчиси - чехиялик Давид Полиакка қарши кортга чиқади.

Маълумот учун, Давид айни пайтда жаҳон рейтингида 566-ўринни эгаллаб турибди. Жўрабек эса узоқ вақт кортга чиқмагани учун ҳозирча рейтингда ўринга эга эмас.