25 июн 15:20
Янгиликлар

Теннис

Бугун Сабина Шарипова "Уимблдон"даги иштирокини бошлайди

Бугун Лондон шаҳрида "Катта Дубулға" туркумига кирувчи "Уимблдон" турнирининг саралаш баҳслари старт олади.

Мусобақанинг хотин-қиз теннисчилар ўртасидаги баҳсларида ягона вакиламиз Сабина Шарипова ҳам иштирок этади. Мамлакатимизнинг биринчи рақамли теннис маликаси бугун саралашнинг биринчи давра учрашувида кортга чиқади.

Шарипованинг илк босқичдаги рақибаси словакиялик Кристина Куцова бўлади. Сабина WTA рейтингида 215, Кристина эса 149-ўринни эгаллаб турибди. Шарипова - Куцова учрашуви Тошкент вақти билан соат 20:00да бошланиши белгилаб қўйилган.