08 июн 08:42
Янгиликлар

Теннис

Бугун сўнгги 11 йилликнинг “энг ёш финали” ўтказилади

Бугун “Ролан Гаррос” турнирининг аёллар ўртасидаги баҳсларида чемпион аниқланади.

Тошкент вақти билан соат 18:00да бошланиши режалаштирилган ҳал қилувчи финал учрашувида чехиялик Маркета Вондроушова австралиялик Эшли Бартига қарши кортга чиқади. Ушбу финал “Катта Дубулға” турнирларининг сўнгги 11 йилликдаги энг ёш финали бўлади.

Маълумот учун, Маркета 28 июнь куни 20 ёшга тўлади. Эшли эса 24 апрель куни 23 ёшга тўлган эди. Бундан аввалги энг ёш финал 2008 йилги “Ролан Гаррос” турнирида қайд этилганди. Ўшанда сербиялик 20 ёшли Ана Иванович россиялик 22 ёшли Динара Сафинага қарши кортга чиққан эди.