Бугун Холмурод Нурматов ACA 189 турнирида октагонга чиқади

Турнир доирасида ўзбекистонлик таниқли аралаш яккакураш устаси Холмурод Нурматов ҳам октагонга кўтарилади. 31 яшар ҳамюртимизга Россия вакили Ахмед Хамзаев рақиблик қилади. Жанг энг енгил вазн тоифасида ташкил этилади. Мусобақа бизнинг вақт билан соат 13:30 да бошланиши режалаштирилган.

Нурматов фаолияти давомида 23 та жанг ўтказиб, 14 ғалаба, 8 мағлубият ва 1 та дурангга эришган. У ACA Лигасида 2 та ғалаба ва 3 та мағлубиятга эга. 25 ёшли Ахмед Хамзаев (11-2) эса Лиганинг умидли вакилларидан. Спортчи мазкур промоушенда жами 10 та жанг ўтказиб, 8 ғалаба ва 2 та мағлубиятни ўз ҳисобига ёздирган.