15 дек 10:46
Янгиликлар

Бокс/ММА

Бугун Хуршид Тожибоев Францияда рингга кўтарилади

Бугун, 15 декабрь куни профессионал боксчимиз Хуршид Тожибоев Франциянинг Лион шаҳрида ўтказиладиган жанг оқшомида рингга чиқади.

Palais Des Sports De Gerland аренада ўтказилувчи бокс оқшомида ҳамюртимизга франциялик Каддур Ҳмиани рақиблик қилади. Жанг саккиз раунд этиб белгиланган. Каддур проф рингда 6 та жанг ўтказиб, 4 ғалаба (2 нокаут) ва 2 мағлубият қайд этган.

Маълумот учун, Хуршид Тожибоев шу йил Испаниянинг ADAMAS Sport бокс промоутерлик компанияси билан шартнома имзолаган эди. Ҳаваскор боксда Осиё чемпиони, Олимпия ўйинлари иштирокчиси бўлган Тожибоев проф рингда 6 та жанг ўтказиб, барчасида ғалаба қозонган. Учта жангини муддатидан аввал якунлаган.