"Бунинг оқибати касалхона". Фьюрининг отаси Уайлдерни реваншдан воз кечишга чақирди

"Тайсон кундан-кунга, жангдан-жанга кучайиб боряпти. У яна аввалги спорт формасига кириб олди. Бундай ҳолатда Деонтейни реванш жангидан воз кечишга чақираман. Акс ҳолда бунинг оқибати касалхона билан тугайди. Унинг борар жойи айнан шу ер бўлади. Бўлиб ҳам касалхонада узоқ вақт қолиб кетасан", - деди катта Фьюри.

Эслатиб ўтамиз, бу икки боксчининг илк жангида дуранг натижа қайд этилганди. 22 февраль куни бўлиб ўтган иккинчи жангда эса Фьюри еттинчи раундда Уайлдерни техник нокаутга учратган ва бу билан Деонтейга илк мағлубиятни тақдим этган эди.