"Бургут" "Сариарка" ва "Номад"нинг икки тажрибали ҳужумчисини олиб келди

Жамоа "Сариарка" клубидан Евгений Григоренко ҳамда "Номад"дан Дмитрий Макеевни ўз сафига қўшиб олди. Уларнинг ҳар иккиси ҳужумчи ҳисобланади.

Маълумот ўрнида таъкидлаш жоиз, Евгений Григоренко Магнитогорск "Металлург"ининг тарбияланувчиси. Бўйи 181 см, вазни 84 кг. Охирги клуби "Сариарка" (Қарағанда) бўлди. У Қозоғистон кубогини қўлга киритган ҳолда Қозоғистонда жами 50 та ўйин ўтказиб, 46 (16+30) очко жамғарган. 

Григоренко узоқ вақт ОХЛда (145 ўйин 94 (41+53) очко) ва ҚХЛда (194 учрашув 55 (26+29) балл) фаолият юритган. Григоренконинг ҳисобида Беларуснинг "Гомел" клуби сафида ҳам 46 та учрашув (38 (19+19) очко) бор. Шунингдек, у бир вақтлар Тошкентнинг "Ҳумо" хоккей клубида ҳам фаолият олиб борган.

Дмитрий Макеев эса Павлодар хоккей мактаби тарбияланувчиси. Бўйи 178 см, вазни 77 кг. У Қозоғистон чемпионатида ўз фаолиятини 2020 йилда бошлаган, "Снежние Барси" сафида 47 та ўйин (4+10 очко) ўтказган. 2022 йилда Петропавловскнинг "Қулагер"ида (52 ўйин, 11+15 очко) бир мавсум ўтказгандан сўнг, Дмитрий "Барис" тизимига қайтди - аввалига таниш бўлган "Снежние Барси" таркибида, кейин эса "Номад"да ўйнади.