Бутунжаҳон анти-допинг агентлиги (WADA) спортчилар саволларига жавоб берди

“WADA ва жаҳон допингга қарши ҳамжамият аҳолининг саломатлиги, хавфсизлиги ва ижтимоий масъулияти муҳим деб ҳисоблайди. Биз ушбу коронавирус пандемиясининг оқибатларига дуч келиб турар эканмиз, спортчиларнинг саломатлиги ва спорт билан ҳалол шуғулланаётганларнинг ҳаммаси диққат марказимиздадир”, – деб баёнот берди WADA раиси Витольд Банька.

WАDAнинг спортчилар комиссияси билан ҳамкорликда тузилган ҳужжатида допинг тестлари ва коронавирусга чалиниш ёки унинг узатилиши хавфини камайтириш тўғрисидаги саволларга жавоб берилган. Ҳужжатда допинг тестлари имконият бўлган ва маҳаллий маъмурлар ҳаракатланишни ва жисмоний алоқа қилишни чегараламаган жойларда давом эттирилиши мумкинлиги кўрсатилган.

Бундан ташқари ҳам спортчилар, ҳам допингга қарши агентликлар вакилларининг саломатлигини муҳофаза қилиш учун кучли чоралар кўрилмоқда. Жумладан, бунда гап қўлларни мунтазам ювиш ва дезинфекция қилиш, бир марта ишлатиладиган қўлқоплардан фойдаланиш ва имконият борича 2 метрли оралиққа риоя қилиш тўғрисида кетмоқда. Коронавирус юқиши аломатига эга бўлган спортчилар ўзларини яккалашлари ва допингга қарши маҳалллий агентликни у допинг тестлари олиш режасига ўзгартириш киритиши учун хабардор қилишлари керак.

WADA шунингдек тест олиш даражасини пасайтириш ёки умуман буни бекор қилиш ниятидадир. Пандемия тугаб, спорт олами яна одатий тусга киргач, бу узилишлар қўшимча тестлар ўтказиш билан қопланади.
WADA спортчилар комиссияси раиси Бен Сэндфорднинг айтишича, ташкилот спортчилар учун вужудга келган вазиятнинг мураккаблигини тан олади. “Допингга қарши ҳамжамият айрим дастурларни, шу жумладан тестларни ва бошқа тадбирларни бекор қилиб ёки камайтириб, кундалик тартибга ўзгартириш киритиш учун бирлашди”, – деди Стэнфорд.