Candidates Tournament 2024. 4-турда биргина Ян зафар қучди ва у янги пешқадам!

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожига даъвогар номини аниқлаб бериш учун ўзаро дона суришяпти. 

Эркаклар ўртасидаги турнирда америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший ўз маҳоратини намойиш этмоқда.

Тўртинчи турнинг учта партиясида худди 3-турда бўлгани сингари томонлар муросага келишди. Биргина Ян Непомняший бу турда бир очколик бўлди. Турнирда FIDE байроғи остида қатнашаётган россиялик шахматчи оқ доналарда ҳиндистонлик Видит Гужратидан устун келди. Бу Видит учун кетма-кет иккинчи мағлубият бўлди. 

Ян ушбу ғалабасидан сўнг 3 очко билан турнир жадвалида якка пешқадам бўлиб олди. Кучли учликдан жой олган Каруана ва Гукеш ҳисобида 2,5 тадан очко бор. 22 апрелга қадар давом этадиган ушбу мусобақа ғолиби амалдаги жаҳон чемпиони, хитойлик гроссмейстер Дин Лижэнга қарши жаҳон тожи учун дона суриш ҳуқуқини қўлга киритади. 

Candidates Tournament 2024. 4-тур натижалари (Эркаклар)

Нижат Абасов (Озарбайжон, 2632) — Алиреза Фирузжа (Франция, 2760) — 1/2:1/2

Фабиано Каруана (АҚШ, 2803) – Гукеш Доммараджу — (Ҳиндистон, 2743) — 1/2:1/2

Ян Непомнящий (FIDE, 2758) — Видит Гужрати (Ҳиндистон, 2727) — 1:0

Хикару Накамура (АҚШ) — Рамешбабу Прагнанандха (Ҳиндистон, 2747) — 1/2:1/2.

Candidates Tournament 2024. 5-тур жуфтликлари:

Алиреза Фирузжа (Франция, 2760) — Ҳикару Накамура (АҚШ, 2789) 

Гукеш Доммараджу (Ҳиндистон, 2743) — Нижат Абасов (Озарбайжон, 2632)

Видит Гужрати (Ҳиндистон, 2727) — Фабиано Каруана (АҚШ, 2803)

Рамешбабу Прагнанандҳа (Ҳиндистон, 2747) — Ян Непомняший (FIDE, 2758)

Маълумот учун, ушбу даъвогарлар турнирида ҳамюртимиз Нодирбек Абдусатторов иштирок этмаяпти. Боиси, мусобақанинг барча саккиз иштирокчиси турли саралаш турнирлари орқали йўлланмани қўлга киритган.