Candidates Women Tournament 2024. Пешқадамлар сони 3 нафарга етди ФОТО + ЖАДВАЛ

Аёл шахматчилар мусобақаси муросасиз курашларга бой тарзда ўтмоқда. Хитойликлар Лэй Тинцзе, Тань Чжунъи, ҳиндистонликлар Хампи Конеру, Рамешбабу Вайшали, украиналик Анна Музичук, болгариялик Нургюл Салимова, FIDE байроғи остида иштирок этаётган Александра Горячкина ва Катерина Лагно тож даъвогарини аниқлаб бериш учун баҳс олиб боришяпти.

Кеча ўтказилган 8-турдан сўнг турнир жадвалида уч нафар пешқадам пайдо бўлди. Шу кунгача якка карвонбоши бўлиб келган хитойлик Тань Чжунъи бироз кутилмаганда оқ доналарда ўз ватандоши Лэй Тинцзега ютқазиб қўйди. Кетма-кет иккинчи ғалабасидан кейин Лэй пешқадамлар сафига қўшилиб олди. FIDE байроғи остида ўйнаётган россияликлар Александра Горячкина ва Екатерина Лагно ўзаро муроса кўчасини танлашди. 

Candidates Women Tournament 2024. 8-тур натижалари

Екатерина Лагно (FIDE) — Александра Горячкина (FIDE) — 1/2:1/2

Нургюл Салимова (Болгария) — Анна Музичук (Украина) — 1/2:1/2

Тань Чжунъи (Хитой) — Лэй Тинцзе (Хитой) – 0:1

Хампи Конеру (Ҳиндистон) — Рамешбабу Вайшали (Ҳиндистон) – 1:0.

8-турдан кейинги турнир жадвалидаги ҳолат:

1-3. Горячкина, Лэй, Чжунъи – 5 очкодан

4. Лагно – 4,5

5-6. Конеру, Салимова – 3,5

7. Музичук – 3

8. Рамешбабу Вайшали – 2,5

Candidates Women Tournament 2024. 9-тур жуфтликлари

Хампи Конеру (Ҳиндистон) — Екатерина Лагно (FIDE) 

Рамешбабу Вайшали (Ҳиндистон) — Тань Чжунъи (Хитой)

Лэй Тинцзе (Хитой) — Нургюл Салимова (Болгария)

Анна Музичук (Украина) — Александра Горячкина (FIDE)

Маълумот учун, Candidates Tournament 2024 турнирнинг умумий мукофот жамғармаси 750 000 еврони ташкил этади. Умумий суммадан 500 минг доллари эркаклар, 250 минги аёллар ўртасидаги турнирга тегишли. Яъни, эркак шахматчилар мукофот пулини аёлларга қараганда икки барабар кўпроқ олишади. Эркакларда ғолиб 48 000, аёллар эса 24 000 еврони қўлга киритади.