Царукян Махачев — Маддалена жангининг фаворити кимлигини айтди

"Исламни кураши ва назорати туфайли фаворит деб ҳисоблайман. Жекнинг охирги жангини кўрдим — у девор олдида ўзини тейкдаунлардан яхши ҳимоя қилади, лекин марказда қандай бўлишини билмаймиз. Ислам уни октагон марказида партерга тушириши керак. Билол Муҳаммад бундай қилмаганди, у боксини кўрсатмоқчи бўлди, лекин партерга туширишга ҳаракат қилмади. Исламнинг кураши анча кучли.

Маддалена зўр боксчи. Унинг тайминги ажойиб — мен ҳайратда қолдим. Топурия UFC’даги энг яхши боксчими? Балки. Аммо менга Маддалена кўпроқ ёқди. Топурия қаттиқроқ уради, лекин кўпроқ зарба ҳам ўтказиб юборади", — деди Царукян.