28 апр 16:01
Янгиликлар

Теннис

Cергей Фомин Alaminos-Larnaca турнири 1/2 финалига йўл олди

Кипрнинг Ларнака шаҳрида теннис бўйича ITF15 тоифасига кирувчи турнир давом этмоқда.

Ҳамюртимиз Сергей Фомин Alaminos-Larnaca турнирининг биринчи рақамли теннисчиси сифатида сараланган. Мамлакатимизнинг биринчи ракеткаси ҳозиргина якунига етган 1/4 финал учрашувида ғалабага эришди.

Дунёнинг 355-ракеткаси бўлиб турган теннисчимиз ярим финал йўлланмаси учун турнирнинг олтинчи ракеткаси Адам Мундирга қарши кортга чиқди ва 6/3, 6/1 ҳисобида ғалаба қозонди.

Энди Фомин 1/2 финалда турнирнинг бешинчи ракеткаси, болгариялик Симон Ивановга қарши кортга чиқади. Дунё рейтингида 704-поғонада бораётган Иванов бугун 1/4 финалда даниялик Элмар Мюллерни 7/5, 4/6, 7/6(9) ҳисобларида мағлубиятга учратди.