24 авг 09:26
Янгиликлар

Бокс/ММА

Чемпион Волкановски навбатдаги рақиби ким бўлишини айтди. У Евлоев эмас!

Ярименгил вазнда амалдаги UFC чемпиони Александр Волкановски галдаги рақиби аниқ ким бўлшини ошкор қилди.

Келиб чиқиши македониялик бўлган 36 ёшли аралаш яккакураш устаси рейтингнинг тўртинчи поғонасида бораётган ва мағлубият нималигини билмай келаётган англиялик Лерон Мёрфига қарши жангда чемпионлик камарини ҳимоя қилади. Кўпчилик Алекснинг рақиби россиялик Мовсар Евлоев бўлишини кутаётганди.

"Лерон ёрқин нокаут билан ғалаба қозонди. Ғалаба учун бундан яхшироқ нарса ўйлаб топа олмайсан. Айнан у мен билан жанг қилишга муносиб рақиб. Ҳа, айнан Лерон Мёрфи", — дея Волкановскининг сўзларини келтиради Bloody Elbow портали.

Маълумот учун, Мёрфи UFC 319 турнирида америкалик дебютант Аарон Пикони биринчи раунддаёқ нокаут эвазига мағлубиятга учратган эди. Бу Лероннинг кетма-кет қозонган ўнинчи ғалабаси эди.