01 мар 08:46
Янгиликлар

Бокс/ММА

Чемпионлик жангига 4 кун қолганида Достон Бозоровнинг рақиби ўзгарди

Ҳамюртимиз Достон Бозоров Самат Мамедовга қарши жанг қилмайди.

Аввал хабар берганимиздек, пойтахтимизда Octagon лигасининг 42-мусобақаси ўтказилади.

Мазкур турнирнинг марказий жангида ҳамюртимиз Достон Бозоров (7-1) енгил вазнда чемпионлик камари учун қозоғистонлик Самат Мамедов (5-0)га қарши октагонга чиқиши лозим эди. Аммо кеча Самат Мамедовнинг жароҳат олгани ва бу жангда иштирок эта олмаслиги маълум бўлди.

Энди ҳамюртимизга 4 март кунги жангда яна бир қозоғистонлик аралаш яккакураш устаси — Жансерик Жаксигулов (4-2) рақиблик қилади. Турнир 4 март куни соат 18:00 да пойтахтимиздаги Renaissance Hall'да бошланади.