Чендлер Оливейрани Махачевга қарши жангда алмаштиришга тайёр

Айнан Чендлер Конор Макгрегорнинг асосий рақиби сифатида қаралаётганди. Конор жароҳатидан кейинги илк жангини Майклга қарши ўтказишни режалаштираётган эди. Америкалик яхшигина даромад келтирадиган Макгрегорга қарши жангни "қурбон" қилишга тайёр. 

"Эй, Чарльз, ўз ишингни бажар! Конорнинг қайтишини кут, сен бунга лойиқсан. Сенда ажойиб ғалабали серия бор. Йўлингдан чиққанларнинг барини яксон қилдинг. Шу боис Конор қайтгунича бироз хордиқ чиқариб тур. Унгача мен Ислам Махачев билан ҳисоб-китоб қилиб оламан. Чемпионлик камари учун айнан Ислам билан жанг қиламан. Бу дивизион совиб қолмаслиги керак", - деди Чендлер. 

Эслатиб ўтамиз, Майкл Чендлер ўтган йилнинг май ойида айнан Чарльз Оливейрага иккинчи раундда техник нокаут эвазига имкониятни бой бериб қўйган эди. Кейин собиқ Bellator чемпиони Жастин Гэйтжига ютқазди. Кетма-кет икки мағлубиятдан сўнг ниҳоят Тони Фергюсонни иккинчи раундда нокаутга учрата олди.

Маълумотларга қараганда, Ислам Махачев ва Чарльз Оливейра ўртасидаги чемпионлик жанги 22 октябрь куни Абу-Дабидаги UFC 281 турнири доирасида ўтказилади.