Чейл Соннен ва Ислам Махачев ўзаро зиддиятни ҳал қилишди

Соннен Махачевни қўрқоқликда, Илия Топурия ва Белал Муҳаммад билан жанг қилишдан қочишда айблаганидан кейин ушбу кичик можаро юзага келган эди.

"Катта аудиторияга эга MMA Uncensored сайти менинг гапларимдан нотўғри иқтибос келтирди. Ислам мени қўрқоқ деб ўйлади ва бу хабарга муносабат билдирди, гарчи мен ҳеч қачон бундай демаган бўлсам-да. Борди-ю, у мени қўрқоқ деб ҳисоблаб, жавоб берса, мен жавоб беришга мажбур эдим. Айниқса, у менинг ҳудудимга кирганда.

"Ҳеч қачон чўчқа билан балчиққа аралашма - иккаланг ҳам ифлос бўласан, чўчқага эса бу ёқади" дейишади. Бундан чиқди, бу вазиятда мен ўша чўчқанинг ўзиман. Аслида бундай демаган бўлсам-да, Ислам менга ёқади. Ўртада тушунмовчилик бўлди. Аммо у қўнғироқ қилди, биз гаплашдик ва энди ҳаммаси жойида," - дея Сонненинг сўзларини келтиради Essentially Sports.