02 окт 13:31
Янгиликлар

Теннис

China Open. Касаткина кучли рақибасидан устун келди

Хитой пойтахти Пекин шаҳрида теннис бўйича нуфузли WTA турнири давом этмоқда.

Сайёрамизнинг 45-ракеткаси Дарья Касаткина мусобақанинг иккинчи даврасида ғалабага эришди. Россиялик теннисчи дунёнинг 14-ракеткаси беларуслик Арина Соболенкони 6/4, 7/6(5) ҳисобида мағлуб этишни уддалади.

Учрашув 1 соату 53 дақиқа давом этган. Аринага 8 та эйс зарбаси ҳам ёрдам бермаган. Бу теннисчиларнинг ўзаро илк тўқнашуви эди. Касаткина China Open турнирининг учинчи босқичида ҳамюрти Екатерина Александровага қарши баҳс олиб боради.