28 сен 12:54
Янгиликлар

Теннис

China Open. Коко Гофф иккинчи босқичга чиқди

Дунёнинг олтинчи рақамли теннисчиси Коко Гофф Пекин шаҳрида ўтказилаётган турнирдаги иштирокини бошлади.

Америкалик иқтидор эгаси WTA рейтингида 56-поғонада бораётган франциялик Клара Бюрелни 7/5, 6/3 ҳисобида мағлубиятга учратди. Теннисчиларнинг ўзаро учрашувларидаги ҳисоб 2:0 кўринишига келди. Бир юз икки дақиқа давом этган баҳсда ҳар икки теннисчи 1 тадан эйс зарбасини амалга оширган. Қўшхатолар бўйича "устунлик" Гофф томонида бўлди - 6 га 3. Брейклар бўйича ҳам Коко етакчи - 5 га 3!

Энди Кори Гофф China Open турнирининг иккинчи даврасида Кэти Бултерга қарши кортга чиқади. Британиялик теннисчи биринчи босқичда америкалик Тэйлор Таунсенддан устун келди - 6/4, 6/4.