02 окт 08:15
Янгиликлар

Теннис

China Open. Наоми Осака рақибасига иккита гейм берди

Сайёрамизнинг тўртинчи рақамли теннис маликаси Наоми Осака Хитой пойтахти Пекин шаҳрида ўтказилаётган турнирнинг учинчи даврасига йўл олди.

Кунчиқар юрт вакиласи China Open турнирининг иккинчи босқичида германиялик Андреа Петковичга қарши баҳс олиб борди. Наоми 58 дақиқа давом этган учрашувда дунёнинг 82-ракеткасини 6/2, 6/0 ҳисобида таслим этди.

Наоми 5 та эйс зарбасини амалга оширди. Икки теннисчининг ўзаро учрашувларидаги мувозанат тикланди - 1:1. Осака энди China Open турнирининг учинчи даврасида америкалик Элисон Рискега қарши кортга чиқади. Риске ўз ўрнида австралиялик Айла Томляновичдан устун келди - 6/3, 3/6, 6/4.