Чирчиқда замонавий спорт иншооти фойдаланишга топширилди

Унда Ўзбекистон Республикаси Спорт вазири ўринбосари Шахрулло Маҳмудов, Чирчиқ шаҳар ҳокими Муроджон Абдураҳимов, Тошкент вилояти Спорт бошқармаси бошлиғи Рустам Бобоқулов, Ўзбекистон белбоғли кураш федерацияси раиси, депутат Равшан Дастиров, Чирчиқ шаҳар спорт мактаби директори Суҳроб Султонов ва бошқалар иштирок этди.

Ўтган асрнинг 35-йилларида қурилган бино жорий йилда Опен бюджет доирасида ажратилган 1,5 млрд сўм маблағ ҳисобидан тўлиқ қайта барпо этилди. Чирчиқ шаҳар ёшлари хусусан, спорт мактаби спортчи-ўқувчилари учун фойдаланишга топширилган спорт иншоотининг айни “Президент олимпиадаси” республика босқичлари ўтаётган пайтда очилиши унинг аҳамиятини янада оширади.

Энди мазкур янги спорт зали ёшлар бўш вақтини мазмунли ўтказиш ва оммавий спортни ривожлантиришга хизмат қилиши шубҳасиз. Шунингдек, маросим доирасида  иштирокчилар томонидан “Яшил макон” лойиҳаси асосида дарахт экиш ишлари ҳам амалга оширилди.

Илҳом РАҲМОНОВ тайёрлади