05 май 11:38
Янгиликлар

Теннис

Циципас Эшторил турнирининг финалида ўйнайди

Сайёрамизнинг 10-ракеткаси Стефанос Циципас Португалиянинг Эшторил шаҳрида якунига етиб бораётган турнирнинг финалига чиқди.

Грециялик теннисчи Millenium Estoril Open мусобақасининг ярим финалида ATP рейтингининг 25-поғонасидан жой олган бельгиялик Давид Гоффинга қарши кортга чиқди.

Циципас 2 соату 18 дақиқа давом этган учрашувда рақибидан 3/6, 6/4, 6/4 ҳисобида устун келди. Бугун Стефанос ҳал қилувчи финал учрашувида уругвайлик Пабло Куэвасга қарши баҳс олиб боради.