17 сен 15:04
Янгиликлар

Теннис

Циципаснинг Римдаги кутилмаган мағлубияти

Дунёнинг олтинчи ракеткаси Стефанос Циципас Рим "Мастерс" турниридаги иштирокини якунлади.

Грециялик теннисчи иккинчи давра учрашувида ATP рейтингида 81-поғонадан жой олиб турган италиялик Янник Синнерга 1/6, 7/6(9), 2/6 ҳисобларида ютқазиб қўйди. Учрашув 2 соату 13 дақиқа давом этган.

Бу вақт оралиғида 22 ёшли Циципас 5, 19 яшар Синнер эса 1 та эйс зарбасини амалга оширган. Теннисчиларнинг ўзаро учрашувларидаги ҳисоб мувозанати тикланди - 1:1. Янник Internazionali BNL d'Italiaтурнирининг учинчи босқичида болгариялик Григор Димитров ёки япониялик Ёсихито Нисиокага қарши кортга чиқади.