21 авг 07:43
Янгиликлар

Теннис

Цинциннати "Мастерс" ғолибини аниқлаш учун 230 дақиқа талаб этилди ФОТОГАЛЕРЕЯ

АҚШнинг Цинциннати шаҳрида теннис бўйича "Мастерс" сериясига кирувчи нуфузли турнир якунига етди.

Ҳал қилувчи финал учрашувида дунёнинг биринчи ва иккинчи ракеткалари - испаниялик Карлос Алькараз ҳамда сербиялик Новак Жокович ўзаро тўқнаш келишди. Уч соату 50 дақиқа давом этган драматик баҳс якунида тажрибали Жокович 5/7, 7/6(7), 7/6(4) ҳисобларида ғалаба қозониб, бош соврин соҳибига айланди.

Теннисчиларнинг ўзаро учрашувларидаги ҳисоб мувозанати ҳам тикланди - 2:2. Жокович 2, Алькараз 11 та эйс зарбани амалга оширди. Иккала теннисчи ҳам 5 тадан қўшхатога йўл қўйди. Брейклар эса Карлосда биттага кўпроқ бўлди - 4 га 3!

Western & Southern турниридаги бир ҳафталик муваффақиятли иштирок Новак Жоковичга 1000 рейтинг очкоси ҳамда 1,019,335 АҚШ доллар миқдоридаги мукофот пули келтирди.