Цинциннати "Мастерс". Каспер Рууд 70-ракеткага ютқазиб қўйди

Дунёнинг еттинчи ракеткаси Каспер Рууд кутилмаганда илк учрашувидаёқ мағлубият аламини тотиб кўрди. Ўз иштирокини иккинчи даврадан бошлаган норвегиялик теннисчи рейтингнинг 70-поғонасида бораётган австралиялик Макс Пёрселлга имкониятнни бой бериб қўйди - 4/6, 6/3, 4/6.

Макс бу билан теннисчиларнинг ўзаро учрашувларидаги ҳисоб мувозанатини тиклади - 1:1. Икки соату 1 дақиқа давом этган баҳсда иккала теннисчи ҳам 12 тадан эйс зарбасини амалга оширган. Энди Пёрселл Western & Southern Open турнирининг 1/8 финалида швейцариялик Стэн Вавринкага қарши кортга чиқади.