Цинциннати "Мастерс". Янник Синнер рақибини сезмади

Дунёнинг биринчи ракеткаси италиялик Янник Синнер иккинчи даврада ATP рейтингида 144-ўринни эгаллаб турган колумбиялик Даниэль Элахи Галанни ортиқча қийинчиликсиз тор-мор этди - 6/1, 6/1. Теннисчиларнинг ўзаро учрашувларидаги ҳисоб йириклашди - 3:0.  

Олтмиш бир дақиқа давом этган баҳсда Синнер 6, Элахи Галан 5 та эйс зарбасини амалга оширган. Брейклар бўйича мутлақ устунлик Янник томонида бўлди - 5 га 0. Энди италиялик теннисчи учинчи босқичда Габриэль Диаллога қарши кортга чиқади. Канадалик теннисчи ўз ўрнида иккинчи даврада аргентиналик Себастьян Баесдан устун келди - 7/5, 6/4.