Coca Cola Суперлигаси. Бугун 22-тур старт олади

15:15 - “Қўқон-1912” – “Қизилқум”

Ҳакамлар: Темур Тўхтасинов, Зиёдулла Абдураҳмонов, Анвар Маражабов, Акмал Раҳимов

Охирги 4та турда умуман ғалаба қозона олмаган "Қизилқум" сафарда икки учрашувдан буён юта олмаётган "Қўқон-1912" меҳмони бўлади. Дастлабки даврада Навоийда кечган учрашувнинг сўнгги дақиқаларида Мурод Холмуҳаммедов томонидан урилган гол водий клубига ғалаба тақдим этанди - 1:0.

Ўзаро ўйинлар тарихига мурожаат қилсак 17та учрашувнинг 10тасида Навоий шаҳри клуби ғолиб бўлган, 6та баҳсда "Қўқон-1912" зафар қучган ва битта ўйинда дуран кузатилган. Ўзаро учрашувларнинг охирги иккитасида "Қўқон-1912" иккита ғалабага эришган.

17:30 - “Бунёдкор” – АГМК
Ҳакамлар: Акобир Шукуруллаев, Руслан Серазетдинов, Андрей Цапенко, Раҳимбек Каримов

Вадим Абрамов ва Миржалол Қосимов тўқнашуви.

Яқиндагина Ўзбекистон кубоги ярим финалида тўқнаш келган клублар энди Суперлига доирасида ўзаро ўйин ўтказишади. Биринчи даврада Олмалиқда ўтган баҳсда Лутфулла Тўраев томонидан урилган гол "Бунёдкор"га ғалаба келтирганди - 1:0.

Бу икки клуб Ўзбекистон чемпионатида ҳозиргача ўзаро 23та ўйин ўтказишган. 16та баҳсда "қалдирғочлар" ғолиб бўлишган. Икки учрашувда Олмалиқ жамоаси муваффақиятга эришган бўлса яна беш учрашувда ғолиб аниқланмаган.

"Бунёдкор" Ўзбекистон чемпионатида бу жамоага 12та учрашувдан буён, хоҳ уйда, хоҳ сафарда бўлсин, ютқазмай келмоқда. АГМК бу рақиб майдонида ҳеч қачон ғалаба қозона олмаган - 2 дуранг ва 9 мағлубият.

17:30 - “Металлург” – “Сўғдиёна”
Ҳакамлар: Виктор Серазетдинов, Олим Абдувосилов, Тимур Гайнуллин, Абдурашид Худойберганов

Учта ўйиндан буён ғалаба қозона олмаётган ва рақиб дарвозасига гол ура олмаётган "Сўғдиёна" Бекободда "Металлург" меҳмони бўлади. Биринчи даврада Жиззахда ўтган ўзаро ўйинда майдон эгалари 2:1 ҳисобида ғалаба қозонишган эди.

Бу жамоалар ўртасидаги 35та ўйиннинг 14тасида "Металлург" ғолиб чиққан. Қизиғи "Сўғдиёна"нинг ғалабалари сони ҳам айнан 14та. Қолган 7та баҳсда дуранг кузатилган. "Металлург" охирги уч йилда Бекободда бу рақибни уч марта мағлуб этган. Сўнгги марта "Сўғдиёна" ушбу жамоа майдонидан 2015 йилда 3 очко билан қайтган.