Cuba Domadores илк финалчи, иккинчи даъвогар Astana Arlans!

Мусобақанинг амалдаги чемпиони Кубанинг Cuba Domadores жамоаси ярим финалнинг жавоб учрашувида Франциянинг France Fighting Roosters боксчиларига ҳеч қандай имконият қолдирмай, 5:0 ҳисобида зафар қучишди. 

Бу жамоаларнинг илк баҳсида Франция жамоаси 3:2 ҳисобида устун келганди. Бугун иккинчи ярим финал учрашувида Қозоғистоннинг Astana Arlans жамоаси Буюк Британиянинг British Lionhearts боксчиларини қабул қилади. Илк баҳсда меҳмон мақомида ҳаракат қилганига қарамай, Astana Arlans 3:2 ҳисобида зафар қучган эди.

Cuba Domadores – France Fighting Roosters – 5:0

(49 кг) Дамиан Арсе – 3:0 – Самуэль Кармона

(56 кг) Робейси Рамирес – 3:0 – Сэмюэль Кистохарри

(64 кг) Энди Крус – КО 3 – Морган Эндонг

(75 кг) Арлен Лопес – ТКО 4 – Мартин Овоно

(91 кг) Эрисланди Савон – ТКО 5 – Сильвен Люс   

Эслатиб ўтамиз, Uzbek Tigers жамоаси ўз гуруҳидан Кубадан кейин иккинчи ўринни эгаллаб, чорак финалга йўл олганди. Лекин кейинчалик мусобақа ташкилотчилари қоидага ўзгартириш киритиб, фақат гуруҳ ғолибларигина плей-оффга чиқишини маълум қилишган эди.