30 май 15:37
Янгиликлар

Теннис

Цзян Ван "Ролан Гаррос"даги иштирокини якунлади

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Сайёрамизнинг 16-ракеткаси Цзян Ван кутилмаганда рейтингнинг 104-поғонасидан жой олиб турган польшалик Иге Свёнтекка 53 дақиқа давом этган иккинчи давра учрашувида 3/6, 0/6 ҳисобида ютқазиб қўйди.

Бу теннисчиларнинг ўзаро ўтказган илк учрашуви эди. Энди 18 ёшли Свёнтек учинчи даврада россиялик Дарья Касаткина ҳамда пуэрторикалик Моника Пюиг учрашуви ғолибасига қарши кортга чиқади.