Цзю - Хорн жанги коронавирус сабаб бекор қилинди

Жумладан, 22 апрель кунига белгиланган бокс оқшоми ҳам ўтказилмайдиган бўлди ва номаълум муддатга қолдирилди. Ушбу кечанинг марказий жанги икки австралиялик боксчилар - Тим Цзю ва Жефф Хорн ўртасида ўтказилиши режалаштирилган эди. 

Австралия ҳукумати коронавирус хавфи сабаб 500 ва ундан зиёд киши тўпланадиган оммавий тадбирларни тўхтатиш ҳақида қарор чиқарган. 25 ёшли Цзю собиқ мутлақ жаҳон чемпиони, машҳур Константин Цзюнинг ўғли бўлса, ярим ўрта вазнда собиқ чемпион Жефф Хорн афсонавий Мэнни Пакьяони мағлуб этгани билан танилган.