03 мар 07:43
Янгиликлар

Бокс/ММА

Дана Уайт ҳозирча Махачевга чемпионлик жанги бермайди

UFC президенти Дана Уайт Бобби Гринни мағлуб этган Ислaм Махачевнинг енгил вазнда UFC чемпиониги учун жанг қилишига ишончи комил эмас.

"Бу мавзу муҳокама қилинмоқда. Лекин мен ҳали ҳам уни Бенеил Дариушга қарши жанг қилишини хоҳлайман.

Бенеил - дунёда учинчи рақамли (янги рейтингда тўртинчи ўринга тушди - таҳририят) жангчи. Ажабланарлиси шундаки, жангдан бир ҳафта олдин у оёғини синдириб олганди. Аммо, бу масалада ҳеч нарса қила олмаймиз. Буни спорт дейишади. Савол муҳокама қилинмоқда, лекин мен ҳали ҳам бу жангни кўришни хоҳлайман", - деди Дана Уайт.

Эслатиб ўтамиз, Бенеил Дариуш ва Ислам Махачев ўртасидаги жанг 26 февраль куни Лас-Вегасда бўлиши керак эди. Аммо, турнирдан бир ҳафта олдин Дариуш жароҳат олди. Натижада россиялик спортчи Бобби Гринга қарши жанг ўтказди ва биринчи раунддаёқ техник нокаут эвазига ғалаба қозонди.