Дана Уайт Жейк Пол ҳақида кескин фикр билдирди

"Жейк Пол мени қизиқтирмайди. У қилаётган ишларнинг барчаси "просмотр" орқали пул топиш учун амалга ошириляпти.

У кичик Раҳмон билан жанг қиладими? Уни Томми Моррисоннинг ўғли нокаутга учратганини кўргандим. У шунчаки нокаутга учраганди. Нима учун у ўзини мағлуб этган йигит билан жанг қилмайди? Бу мен шуғулланадиган бизнес эмас. Мен бутунлай бошқа иш билан машғулман. Мен жиддий жанглар устида ишлайман.

Мени шундай саволлар билан "сийлаш"ни ёқтирасиз, биламан, лекин мен бундай ишлар билан шуғулланмайман. Жейк Пол билан боғлиқ бу ишлар менга қизиқ эмас. Буни муҳокама қилишнинг ўзи аҳмоқлик, менимча", - дея Уайтнинг сўзларини келтиради MMA Fighting нашри.

Эслатиб ўтамиз, Жейк Пол сўнгги бор 2021 йил 19 декабрда Тайрон Вудлига қарши жанг қилган эди.

Аввалроқ, Жейкнинг навбатдаги рақиби ва жанг санаси маълум бўлгани ҳақида хабар берган эдик.