Дана Уайт Канело - Кроуфорд жангидан четлатилди

Улар ортиқ Сауль Альварес ва Теренс Кроуфорд ўртасидаги йил жангининг промоутерлари эмас. Энди ушбу жанг ташкилотчилиги билан Саудия Арабистонининг  "Sela" компанияси шуғулланади. Супержангнинг ўзи 12 сентябрдан 13 сентябрга кўчирилди. Бу ҳақда жангни бош промоутери Турки Ал аш-Шейх хабар берди.

"Биз Канело - Кроуфорд жанги промоутери "Sela" компанияси бўлишини тасдиқлаймиз. Жангни қайси телеканал намойиш этиши бўйича ҳали бир қарорга келмадик. Лекин сана аниқ – шанба, 13 сентябрь. Тез орада бу жанг бўйича барча маълумотлар тақдим этилади", – деди Саудия Арабистони кўнгочар бош бошқармаси раҳбари Турки Ал аш-Шейх.

Аввалроқ Канело - Кроуфорд жангининг Лас-Вегасдаги "Allegiant" стадионида ўтказилиши айтилган эди. Аммо энди учта локация – Лас-Вегас, Лос-Анжелес ва Нью-Йорк шаҳарлари кўриб чиқилмоқда.

Дана Уайтнинг четлатилишига айнан 13 сентябрь куни Мексиканинг Гвадалахара шаҳрида UFC промоушенининг рақамланган турнири ўтказилиши сабаб бўлиши мумкин.