Дана Уайт: "Йен Гэррида Махачев билан жанг қилиш имконияти бошқа ҳеч қачон бўлмайди"

UFC раҳбарининг сўзларига кўра, у рақибига ҳаддан ташқари ҳурмат билан муносабатда бўлган.

"Сен бутун умринг давомида ҳаракат қилган имкониятингни қўлга киритасан, кейин беш раундлик жангга чиқиб, рақибинг билан қучоқлашасан, қўл бериб кўришасан. Шунчаки у бошқа ҳеч қачон бундай имкониятга эга бўлмаслиги мумкин. Ва, эҳтимол, у бошқа ҳеч қачон Ислам билан жанг қилиш имкониятига эга бўлмайди, Махачев фаолиятининг охирида барча даврларнинг энг буюк жангчилари қаторига киради, агар умуман энг буюк жангчи бўлмаса.

Ҳар бир сонияси муҳим бўлган раундда беш дақиқа вақтинг бор. Бу йигитга уни яхши кўришингни айтиш учун ўн сония вақтингни сарфлама", - деди дунёнинг энг кучли лигаси раҳбари Сакраментодаги матбуот анжуманида.

Бир ҳафта аввал Ислам Махачев ярим ўрта вазн тоифасидаги UFC чемпионлик камарининг илк ҳимоясини ўтказган ва даъвогар Йен Гэррини ҳакамларнинг якдил қарори билан мағлубиятга учратган эди.