03 ноя 09:07
Янгиликлар

Теннис

Даниил Медведев Париж "Мастерс"ни тарк этди

Франция пойтахти Париж шаҳрида мавсумнинг сўнгги "Мастерс" турнири давом этмоқда.

Кутилмаганда дунёнинг учинчи ракеткаси, россиялик Даниил Медведев иккинчи даврада ATP рейтингининг 25-поғонасидан жой олган австралиялик Алекс Де Минаурга 4/6, 6/2, 5/7 ҳисобида имкониятни бой берди ва мусобақадаги иштирокини эрта якунлади.

Икки соату 47 дақиқа давом этган баҳсда Медведев 10, Ди Минаур 1 та эйс зарбасини амалга оширган. Даниил ўзаро учрашувларда илк бор Яшил қитъа вакилига ютқазди - 1:4. Энди Алекс учинчи босқичда америкалик Фрэнсис Тиафога қарши кортга чиқади.