Дарья Касаткина спорт фуқаролигини ўзгартирди

Касаткина спорт фурқаролигини ўзгартиргани ва бундан буён мусобақаларда Австралия номидан иштирок этишини маълум қилди.

"Австралия ҳукумати томонидан мурожаатим ижобий қабул қилинганидан хурсанд эканимни сизлар билан бўлишмоқчиман. Австралия - бу мен яшашни орзу қилган мамлакат! У ерда ўзимни ўз уйимдагидек ҳис қиламан. Менга Мельбурн ёқади ва бу шаҳарда ўз уйимга эга бўлишимни сабрсизлик билан кутяпман. Бугундан бошлаб, ўзимнинг янги Ватаним - Австралия шарафини ҳимоя қиламан. Албатта, бу қарорга келиш мен учун осон бўлгани йўқ. Шу кунгача мени қўллаб-қувватлаб келган оила аъзоларим, мураббийларимга миннатдорлик билдираман. Мен ҳамиша қаерда туғилганим ва она ватанимга ҳурматни қалбимда сақлаб қоламан", - дея ўзининг ижтимоий тармоқдаги саҳифасида хабар қолдирган Касаткина.

Маълумот учун, Дарья Касаткина 1997 йил 7 май куни Россиянинг Тольятти шаҳрида туғилган. Россияда хизмат кўрсатган спорт устаси. Профессионал теннисчилик фаолияти давомида шу кунгача 8 та яккалик WTA турнирлари бош совринини қўлга киритган. 2021 йил Россия терма жамоаси таркибида Билли Жин Кинг Кубоги соҳибига айланган.