Даулетбике Яхшимуратовани табриклаймиз!

Даулетбике 18 ноябрь куни ўтказилган Ўзбекистон чемпионатида иштирок этиб, -53 кг вазн тоифасида мамлакатимизнинг энг кучли курашчиси эканини амалда исботлаган эди. Қорақалпоғистонлик курашчимиз олтин медаль учун кечган финал беллашувида Тошкент шаҳри вакиласи Шахноза Маҳмудовани мағлубиятга учратганди. 

Шу йил Яхшимуратова Ҳиндистоннинг Нью-Дели шаҳрида ўтказилган Осиё чемпионатида бронза медалига сазовор бўлган эди. Даулетбике қитъа чемпионатининг -50 кг вазн тоифасидаги баҳсларида иштирок этганди. У бронза медали учун кечган беллашувда мўғулистонлик Мунхнар Байамбасуренни 8:3 ҳисобида мағлубиятга учратган эди. 

Ўзбекистон Спорт курашлари ассоциацияси раҳбарияти, мураббийлар ва спортчилар номидан бугун шукрона кунини нишонлаётган Даулетбике Яхшимуратовани муборакбод этамиз.