09 май 08:21
Янгиликлар

Теннис

Давид Феррер фаолиятидаги сўнгги учрашувда мағлубиятга учради

Испаниялик теннисчи Давид Феррер ўз ватанида профессионал фаолиятидаги сўнгги учрашувда кортга чиқди.

Феррер Мадрид “Мастерс” турнири доирасидаги баҳсда германиялик Александр Зверевга ютқазиб қўйди. Етмиш дақиқа давом этган учрашувда дунёнинг 144-ракеткаси бўлиб турган 37 ёшли Феррер 4/6, 1/6 ҳисобида имкониятни бой берди.

Шу тариқа, Давид Феррер профессионал теннисдаги фаолиятини якунлади. Рейтингнинг 4-поғонасидан жой олган 22 ёшли Зверев эса Mutua Madrid Open турнирининг 1/8 финалида польшалик Хуберт Гуркачга қарши кортга чиқади.