Даврон Файзиев: "Даража нуқтаи назаридан Шаҳрам анча илгарилаб кетган"

Файзиев ушбу жангда Ғиёсовнинг имкониятларини юқори баҳолади.  

"Даража нуқтаи назаридан Шаҳрам Арсланбекдан анча илгарилаб кетган. Ҳозир Ғиёсов яхшироқ бўлса керак. Фақат битта нарса бор, олдинги мағлубиятидан қолган руҳий бўшлиқ концентрацияга салбий таъсир қилмаса, аксинча, реванш кайфиятида рингга чиқиб, бу бўшлиқни кучга йўналтирса, муаммога дуч келмайди деб ўйлайман. Шаҳрамни жангини анчадан буён кўрмадим, охирги жангларидан хулоса қиладиган бўлсак, айни пайтда у ажойиб формада.

Ўзи ҳаваскор боксда 3 тагина раунд бор. Айниқса, енгил вазн тоифаларида тезлик муҳим роль ўйнайди. Ўша қисқа муддат ичида максимал тезликни ишга солиб зарбалар бериш, ақлли бокс, тажриба ва тактикаларни қўллашга улгурмай қолишяпти. Шунинг учун 30 ёшли кубаликлар мағлуб бўляпти. Улар тактика қилади, дастлабки раундда рақиби билан ўйин қилади, аҳмоқ қилмоқчи бўладию, натижада ўзи вақтдан ютқазиб қўймоқда. Ҳаваскор боксда ёш жуда муҳим роль ўйнайди. 27 ёш нормал ҳисобланади. Бу ёшдан ўтиб кетиб қолса тезлик етмай қоляпти. Рақибларга эътибор берадиган бўлсак, ёш, титулларга эга бўлмаган боксчилар. Лекин ёшлиги, тезлиги эвазига очколарни йиғиб ташлаяпти. Катталар жангга мослашгунича, ёшлар биринчи раундни ютиб қўймоқда.

Масалан менга қуръа ёқмади. Қуръа ҳам чемпионатнинг қизиқарли ўтишига таъсир кўрсатади. Тўғриси, қуръани кўрмадим, саватларга ажратилиши лозим. Кучли боксчиларнинг аввал бошиданоқ бир-бири билан тушиб қолмаслиги учун шароит яратиб бериш керак", - деди Даврон Файзиев.