Delray Beach Open. Тэйлор Фритц чемпионлик унвонини ҳимоя қилди

Ноқулай об-ҳаво шароити туфайли бир кунга кечиктирилган финал учрашувида дунёнинг тўққизинчи ракеткаси, мусобақанинг амалдаги чемпиони Тэйлор Фритц америкалик ватандоши Томми Полга қарши кортга чиқди. Ватандошлар ўртасидаги баҳсда Фритц ATP рейтингида 14-поғонада бораётган Полни 6/2, 6/3 ҳисобларида мағлубиятга учратди. 

Теннисчиларнинг ўзаро учрашувларидаги ҳисоб мувозанати тикланди - 4:4. 101 дақиқа давом этган баҳсда Фритц 5, Пол 3 та эйс зарбасини амалга оширган. Қўшхатолар Томмида кўпроқ бўлди - 4 га 2. Фритц чемпионлик унвонини ҳимоя қилиш баробарида фаолиятидаги еттинчи ATP совринини қўлга киритди. 

Delray Beach Open турниридаги муваффақиятли иштирок чемпионга 250 рейтинг очкоси ҳамда 100,640 АҚШ доллари миқдоридаги мукофот пулини тақдим этди. Пол эса 165 очко ва $58,705 ишлаб олди.