04 окт 12:52
Янгиликлар

Теннис

Денис Истомин 64 дақиқалик учрашув ўтказди

Қозоғистоннинг Алмати шаҳрида ўтказилаётган теннис бўйича “Челленжер” туркумига кирувчи турнир ўзининг қизғин палласига кириб боряпти.

Соврин жамғармаси 50 000 АҚШ долларини ташкил қилувчи ушбу турнирда ҳамюртимиз Денис Истомин биринчи рақам остида ҳаракат қиляпти. Осиё ўйинлари ғолиби Алматида ҳам ғолибона юришини давом эттирмоқда.

У ҳозиргина якунига етган чорак финал учрашувида турнирнинг еттинчи ракеткаси сифатида таснифланган сербиялик Миомир Кецмановични мағлуб этди. Бир соату 4 дақиқа давом этган учрашувда Денис рақибини 6:3, 6:4 ҳисобида мағлубиятга учратди.

Таққослаш учун, Денис Истомин дунё рейтингида 103, Миомир Кецманович эса 163-ўринни эгаллаб турибди. Теннисчилар шу кунгача ўзаро турнирларда бир маротаба тўқнаш келишганди. Шу йилнинг 23 март куни Майамида ўтган баҳсда Истомин рақибидан устун келганди.