Деонтей Уайлдер бир йиллик танаффусдан сўнг қайтмоқда: "Яна ҳукмронликни қўлга олиш учун қайтяпман

Америкалик боксчининг сўзларига кўра, у Тайсон Фьюрига мағлуб бўлганидан кейин машғулотларга ўзгартиришлар киритган.

"Бугунгача биз 400 раунддан ортиқ спарринг ўтказдик. Йиғин яхши ўтмоқда. Лас-Вегасда жойлашган жамоага Дон Хаусни қўшдим. Услубни ўзгартиришга ҳаракат қиляпман. Келинг, нима бўлишини кўрамиз. Оғир машғулотлар танангизга таъсир қилиши мумкин. Аммо сизнинг жисмоний ва руҳий ҳолатингиз яхши бўлса, ҳеч қандай муаммо бўлмайди", — деди Уайлдер.

Шунингдек, Уайлдер чемпионлик камарини қайтариб олиш ниятида эканлигини маълум қилди.

"Менинг фаолиятим ажойиб эди. Яна ҳукмронликни қўлга олиш учун қайтяпман. Ўтган йилларни ва ҳозирги ҳолатга қандай етиб келганимни эслаш ғалати. Энди жангларимда кўплаб янги нарсаларни гувоҳи бўласиз", - дея қўшимча қилди Уайлдер.

Эслатиб ўтамиз, 15 октябрь куни Уайлдер Хелениусга қарши рингга кўтарилади.