Деонтей Уайлдер бир йиллик танаффусдан сўнг рингга қайтди

Оқшомнинг асосий жанги супероғир вазн тоифасида ўтказилиб, унда собиқ жаҳон чемпиони Деонтей Уайлдер унчалик таниқли бўлмаган ватандоши Тайррелл Херндонга қарши рингга кўтарилди. 

Собиқ WBC чемпиони бўлган Деонтей кетма-кет иккита мағлубиятдан кейин ниҳоят ғалаба қозона олди. Уайлдер рақибини нокаут эвазига мағлубиятга учратди. Энди унинг ҳисобида 49 та жангда 44 ғалаба ва 4 мағлубият ва 1 дуранг бор. Херндон эса проф рингда 30 та жанг ўтказиб, 24 ғалаба ва 6 мағлубият қайд этган. 

Эслатиб ўтамиз, Деонтей Уайлдер ўтган йилнинг июнь ойила хитойлик Чжан Чжилэйга бешинчи раундда техник нокаут эвазига мағлубият бўлган эди. Ундан аввалги жангини эса 2023 йилнинг декабрида ўтказганди. Ўшанда Янги Зеландия вакили Жозеф Паркерга Деонтейни очколар ҳисобига кўра таслим этганди.