Деонтей Уайлдер Энтони Жошуага қарши Саудия Арабистонида бўладиган эҳтимолий жанг ҳақида гапирди

"Жошуа яхши боксчи, уни ҳурмат қиламан. Мен унинг ушбу дивизионда қилган ишларини ва эришганларини ҳурмат қиламан. Чемпион бўлиш қийин ва у буни уддалади. Шунинг учун уни ҳурмат қилишим керак.

Бу қийин жанг бўлади, лекин мен ўзимга ишонаман. Мен ҳар томонлама ривожланган жангчиман. Жанг ташкил этилишига 95 фоиз ишонаман", - деди Уайлдер.

Эслатиб ўтамиз, аввалроқ йил охирида Саудия Арабистонида Уайлдер - Жошуа ҳамда Тайсон Фюри - Александр Усик жанги бўлиб ўтадиган катта бокс оқшоми бўлиши мумкинлиги ҳақида хабар берилганди.