Дмитрий Бивол нима учун жангига тайёргарликни Ўзбекистонда олиб боришини айтди

"Биз бу ерда 3 ҳафталик ўқув-йиғин машғулотини ўтказамиз. Янгиобод шаҳарчасида яхши база бор ва у ернинг иқлими биз учун маъқул. Бу ерда яхши боксчилар бор ва менимча, тайёргарлик яхши бўлади. Кейинги жангимни май ойида ўтказмоқчиман, ҳозирча аниқ рақибим йўқ. Бироқ музокаралар давом этмоқда. Бу ерда асосан жисмоний тайёргарлик ишлари олиб борилади. Биз бу ерда оғир вазнли боксчилар билан бирга ишлаймиз, қийин ўқув-йиғин машғулотлари бўлиб ўтади", - деди Бивол.

- Нега айнан Ўзбекистонда ўқув-йиғин машғулоти ташкил этишга қарор қилдингиз?

- Бу ердаги дўстларимиз бизга Ўзбекистонда яхши база борлигини айтишди. Тоғ бағрида олиб бориладиган тайёргарликлар соғлиқ учун анча фойдали бўлади.

- Кейинги рақибингиз Сауль Альварес бўлиш эҳтимоли бор. Бу ҳақида қандай фикр билдира оласиз?

- Ҳозирча уларнинг қарорини кутяпмиз. Биз бу жангга розилик берганмиз. Уларнинг режалари кўп ва биз уларнинг якуний қарорини кутишга мажбурмиз. Унга қарши жанг қилмаган тақдиримда ҳам мен май ойида бари бир рингга кўтариламан.

- Артур Бетербиевчи?

- Унинг навбатдаги рақиби деярли маълум. У Жо Смит билан келишувга эришган. Шу сабабли ҳам бу жанг ҳозирча бўлмайди.

Интервьюнинг видео вариантини ва боксчини кутиб олиш жараёнини томоша қилинг