08 окт 12:03
Янгиликлар

Бокс/ММА

Дмитрий Бивол қачон рингга қайтишни режалаштираётгани айтилди

Проф бокснинг ярим оғир вазн тоифасида Жаҳон чемпиони Дмитрий Бивол белидаги жарроҳлик амалиётидан тикланишни давом эттирмоқда.

Инсайдер Майк Коппинжернинг хабар беришича, жангчи Дубайдаги реабилитация дастурини аллақачон ярмини тугатган.

"Унинг менежери Вадим Корнилов менга Дмитрийнинг белидаги жарроҳлик амалиётидан тузалаётганини айтди. Унинг кенг қамровли дастури режалаштирилган. У Дубайдаги дастурнинг ярмини аллақачон якунлади. Иккинчи ярми ўзи яшайдиган Россиянинг Санкт-Петербург шаҳрида бўлади. Бу олти ҳафталик дастур бўлиб, у белини тиклайди ва мустаҳкамлайди ва ҳеч қандай асорат бўлмаслигига ишонч ҳосил қилади", - дейди Коппинжер.

Майк Биволнинг рингга қайтиши 2026 йилнинг биринчи чорагида амалга ошишини таъкидлаб ўтган.