24 фев 11:13
Янгиликлар

Велоспорт

Дмитрий Бочаров - Осиё чемпиони!

Малайзиянинг Нилай шаҳри велоспортнинг трек йўналиши бўйича катталар, ёшлар ва параспортчилар ўртасидаги Осиё чемпионатига мезбонлик қилмоқда.

Қитъа биринчилигида муваффақиятли иштирок этаётган Ўзбекистон терма жамоаси яна бир медалга эга чиқди. Бу сафар эркаклар ўртасида ташкил этилган скретч дастурида Ўзбекистон терма жамоаси аъзоси Дмитрий Бочаров энг яхши натижани қайд этган ҳолда олтин медални қўлга киритди.

Ғолиб ва совриндорлар:

1. Дмитрий Бочаров (Ўзбекистон)

2. Казушиге Кубоки (Япония)

3. Терри Кусума (Индонезия).

Аҳамиятлиси, ўзбекистонлик спортчи бу дастурда амалдаги Жаҳон чемпиони, япониялик Казушиге Кубокини ортда қолдирган ҳолда тенгсиз бўлди. Бундан ташқари, Бочаров скретч дастурида Осиё чемпионига айланган илк ўзбек велоспортчисига айланди.