Дмитрий Чигирёв: "Мавсум аввалидаги мақсадимизга эришдик" (+ФОТО)

Спортчиларимиз мусобақада 183.01 балл билан 10-ўринни эгаллади ва 2026 йилда Италиянинг Милан ва Кортина-Д'Ампеццо шаҳарларида ўтадиган XXV қишки Олимпия ўйинлари учун йўлланма қўлга киритди. 

Фигурали учувчилар турнирдан кейинги фикрлари билан ўртоқлашди.

Екатерина Гейниш: "Эркин дастурдаги чиқишимиздан тўлиқ кўнглимиз тўлди. Томошабинларнинг кучли қўллаб-қувватлови бизга ҳақиқатан ҳам ёрдам берди. Мухлисларга мусиқа ўзгариб борган лаҳзалар ёққанини ҳис қилдик".

Дмитрий Чигирёв: "Биз Олимпия ўйинлари квотасини қўлга киритганимиздан жуда хурсандмиз, бу ҳар бир спортчининг орзуси. Бу мавсум бошида бизнинг мақсадимиз эди. Кейинги мавсумда олдинга интилиб, жуфтликдаги элементларимизни яхшилашга эътибор қаратамиз. Биз уларнинг мустаҳкам, ишончли ва иложи борича бенуқсон бўлишини хоҳлаймиз. Кейинги мавсум учун эркин дастурни ўзгаришсиз қолдирамиз, аммо қисқа дастур учун янги нарсаларни қидиряпмиз. Ўйлашимизча, бу мавсумдаги қисқа дастуримиз биринчи халқаро мавсум учун яхши танлов эмасди. Ҳозирда мураббийларимиз мусиқа излаяпти. Биз эса янги қирраларни ўрганишни интиқлик билан кутяпмиз", дейди Дмитрий.