06 янв 12:32
Янгиликлар

Теннис

Дунёнинг 9-ракеткаси Australian Open`да иштирок этмайди

Сайёрамизнинг тўққизинчи рақамли теннис маликаси Кики Бертенс "Катта Дубулға" туркумига кирувчи Австралия Очиқ чемпионатида иштирок этмайдиган бўлди.

Нидерландиялик теннисчининг бундай қарорга келишига унинг жароҳати сабаб бўлган. Кики ўтган йилнинг октябрь ойида тўпиғидан жароҳат олган эди.

Маълумот учун, Australian Open турнири 8-21 февраль кунлари оралиғида бўлиб ўтади. Бертенснинг ўрнини асосий тўрда испаниялик Алёна Большова эгаллайди.